పద్మా అవార్డుల జాబితాలో అమితాబ్, రజనీ, రాందేవ్

Posted: 01/23/2015 12:14 PM IST

కేంద్రంలోని నరేంద్ర మోడీ ప్రభుత్వం ఈ ఏడాది బాలీవుడ్ తారలతో పాటు, ఆత్యాత్మిక గురువులు, రాజకీయ కురువృద్దులకు దేశ అత్యున్నత పౌర పురస్కారాలను అందించాలని నిర్ణయించింది. మొత్తంగా 148 మందికి దేశ అత్యున్నత పురస్కారాలను అందించాలని నిర్ణయించిన కేంద్రం వారి జాబితాను వెల్లడిందింది. ఈ ఏటి పురస్కార గ్రహీతల్లో బీజేపి అగ్రనేత ఎల్‌కే అద్వానీ, శిరోమణి అకాళిదళ్ నేత, పంజాబ్ ముఖ్యమంత్రి ప్రకాస్ సింగ్ బాదల్ సహా బీజేపికి మద్దతుగా ప్రచారం చేసిన హర్యానా బ్రాండ్ అంబాసిడర్ యోగా గురు బాబా రాందేవ్‌లతో పాటు మరో ఆద్యాత్మిక గురువు పండిత్ రవిశంకర్ ప్రసాద్ లు వున్నారు.

వీరితో పాటు సినీ కళామతల్లి బిడ్డలైన బాలీవుడ్ అగ్రనటుడు అమితాబ్ బచ్చన్, తమిళ సూపర్ స్టార్ రజనీకాంత్, దివంగత నటుడు ప్రాన్, నటుడు దిలిప్ కుమార్, దర్శకులు సంజయ్ లీలా భన్సాలీ, సార్వత్రిక ఎన్నికలలో బీజేపి ప్రచారానికి పాటలను రాసిన సినీ పాటల రచయిత ప్రసూన్ జోషి, సల్మాన్ ఖాన్ తండ్రి సలీమ్ ఖాన్ తదితరులు ఉన్నారు. వీరితో పాటు ఆర్థిక వేత్తలు బిబేక్ డిబ్రాయ్, జర్నలిస్టులు, రజత్ శర్మ, స్వపన్ దాస్ గుప్తా, హరిశంకర్ వ్యాస్ లతో పాటు క్రీడా రంగానికి చెందిన పివీ సింధూ, భారత్ హాకీ టీమ్ క్యాప్టన్ సార్థార సింగ్, చెక్ గ్రాండ్ మాస్టర్ శశికిరన్ కృష్ణన్, వెస్లింగ్ చాంప్ సుశీల్ కుమార్, అయన గురువు సప్తల్, సహా ఎవరెస్టు పర్వత శిఖారాన్ని అధిరోహించిన తొలి మహిళ అరునిమా సిన్హాలకు పద్మ అవార్డులను అందించనున్నారు. వీరితో పాటు వివిధ రంగాల్లో ప్రతిభ కనబరిచిన మొత్తం 148 మంది ప్రముఖులకు పద్మ అవార్డులను కేంద్ర ప్రభుత్వం ప్రకటించింది.

జి. మనోహర్