మరోసారి ప్యారిస్ లో కాల్పుల మోత

Posted: 01/08/2015 02:44 PM IST

ఉగ్రవాద దాడితో వణికిపోతున్న ప్యారిస్ పై తీవ్రవాదులు మరోసారి విరుచుకుపడ్డారు. 12మందిని బలిగొనన్న మరుసటి రోజునే కాల్పులకు తెగబడ్డారు. తొలి రోజున పత్రికా కార్యాలయంపై దాడికి దిగితే.., ఇవాళ పోలిసులు లక్ష్యంగా కాల్పులు జరిపారు. అయితే ఈ రెండు ఘటనలకు సంబంధాలు ఉన్నట్లు పోలిసులు నిర్ధారించకపోయినా.. అనుమానాలు మాత్రం వ్యక్తం అవుతున్నాయి. తాజా ఘటనకు సంబంధించిన వివరాలు చూస్తే.., సౌత్ ప్యారిస్ లో జనరద్దీ గల ప్రాంతంలో దుండగులు కాల్పులు జరిపారు. ఈ కాల్పుల్లో ఇద్దరు పోలిసులు గాయపడ్డారు.

కాల్పుల విషయం తెలుసుకున్న భద్రతా బలగాలు పెద్దఎత్తున ఘటనా స్థలానికి చేరుకున్నాయి. తాజా కాల్పుల ఘటనలో కీలక నిందితుడిని గుర్తించినట్లు భద్రతా వర్గాలు చెప్తున్నాయి. అటు ఇప్పటికే ఏడుగురిని అదుపులోకి తీసుకుని ప్రశ్నిస్తున్నారు. పోలిసులు అప్రమత్తంగా వ్యవహరించటంతో పెద్దఎత్తున ప్రాణనష్టం తగ్గిందని చెప్తున్నారు. మరోవైపు ఈ కాల్పుల ఘటనతో ప్యారిస్ ప్రజలు భయాందోళనలు వ్యక్తం చేస్తున్నారు. ప్రశాంతంగా ఉండే నగరంలో కాల్పుల మోతలతో కలత చెందుతున్నారు. అయితే ప్రజలెవరూ ఆందోళన చెందవద్దని... పరిస్థితులు అదుపులోనే ఉన్నాయని ప్రధాని హోలండ్ చెప్పారు.