మూడు పెళ్లిళ్లు చేసుకున్న ప్రబుద్దుడికి తగిన శాస్తి..

Posted: 11/16/2014 08:31 PM IST

తన భర్త మూడో పెళ్లి చేసుకున్నాడని తెలిసిన ఆ భార్య అతనికి తగిన శాస్తి చేసింది. రాజేంద్ర నగర్ బండ్లగూడలో నివాసముంటున్న సెక్రటేరియేట్లో ఉద్యోగి మహేష్ తొలుత పద్మను వివాహం చేసుకున్నాడు. వారికి ఇద్దరు పిల్లలు. వివాహమైన కోన్నాళ్లు భార్య పద్మతో ఉండకుండా వికారాబాద్లో తల్లిదండ్రుల వద్ద ఉంటూ ఇక్కడికి వచ్చి ఉద్యోగం చేశాడు. కుటుంబ కలహాలు సర్దుకున్నాక మళ్లీ వస్తాడనుకుని పద్మ తన ఇద్దరి పిల్లలతో అక్కడ నివసించింది. ఈలోగా పద్మకు మరో పిడుగు లాంటి  వార్త అందింది.

తనకు తెలియకుండా మహేష్ మరో వివాహం చేసుకున్నాడని తెలిపింది. తాను బతికి వుండగానే, తన అనుమతి లేకుండా భర్త రెండో పెళ్లి చేసుకోవడంపై మండిపడింది. తనను ఎందుకు అన్యాయం చేస్తున్నావని విలపించకుండా.. తన అనుమతి లేకుండా ఎలా రెండో పెళ్లి చేసుకుంటావని భర్తను నిలదీసింది. భర్తతో పాటు అతని అత్తా, మామలను కూడా ప్రశ్నించింది. పద్మ బంధువులు కూడా వారిని నిలదీశారు. ఈ పెళ్లి ఎలా  చెల్లుతుందని వారు ప్రశ్నించారు. తాము న్యాయం కోసం పోరాడుతామని చెప్పండంతో భర్తతో పాటు అతని తల్లిదండ్రలు వారిని శాంతింపజేశారు. గొడవ చూసి మహేష్ రెండవ భార్య అతనిని వదిలి వెళ్లిపోయింది.

కుక్క తోక ంక వంకరా అన్నట్లు కొన్నాళ్ల పాటు నమ్మకుండిన మహేష్ పద్మకు తెలియకుండా మూడవ పెళ్లి చేసుకున్నాడు. జ్యోతి అనే యువతిని మూడవ పెళ్లి చేసుకున్నడన్న సమాచారం తెలుసుకున్న మొదటి భార్య పద్మ.. తన భర్త జ్యోతితో కలసి రాజేంద్ర నగర్ బండ్లగూడలో నివాసముంటున్నాడని కూడా తెలుసుకుంది. వారిద్దరూ వున్న సమయంలో భర్త ఇంటికి పిల్లలు, బంధువులను తీసుకొని వచ్చి భర్త మహేష్ కు దేహశుద్ధి చేసింది. వెంట వచ్చిన బంధువులు కూడా మహేష్కు నాలుగు తగిలించారు. మహేష్పై రాజేంద్ర నగర్ పోలీస్ స్టేషన్లో ఫిర్యాదు చేశారు. అక్కడి పోలీసులు కేసు నమోదు చేసుకున్నారు.

జి.మనోహర్