చదువుకో.. అన్నందుకు చంపేసింది.. ఆ కసాయి..

Posted: 10/18/2014 03:04 PM IST

Girl kills parents keeps bodies in house for 72 days

చదువుకోమ్మా.. మేమున్నా.. లేకున్నా.. చదువుంటే అదే నీకు తోడుగా వుంటుంది. అది లేకపోతే ఈ లోకం నిన్ను వెర్రిదాన్ని చేసి అడిస్తోంది అంటూ తల్లిదండ్రులు చెప్పిన మాటల ఆర్థరం చదువుకునే వయస్సులో ఆ 16 ఏళ్ల అమ్మాయికి రుచించలేద. నన్ను నిత్యం చదువుకోమ్మని వేదిస్థారా..? అంటూ వృద్ద తల్లిదండ్రుల ప్రాణాలను తీసింది. నిండా పదహారేళ్లు కూడా నిండని ఆ యువతి.. తన ప్రియుడి సాయంతో తల్లిదండ్రలు ప్రాణాలను కడతేర్చింది. అంతేకాదు వారి మృతదేహాలను 72 రోజుల పాటు అదే ఇంట్లో ఉంచిందా కసాయి.

ఈ సంఘటన గుజరాత్లోని బరోడా నగరంలో తిరుపతి సొసైటీ ప్రాంతంలో జరిగింది. శ్రీహరి వినోద్ (63), ఆయన భార్య స్నేహ (60) ఇద్దరినీ చంపిన నేరంలో 16 ఏళ్ల యువతితో పాటు ఆమె 21 ఏళ్ల బోయ్ఫ్రెండు సపన్ పురానీ ఇద్దరినీ పోలీసులు అదుపులోకి తీసుకున్నారు. ఆగస్టు మూడోతేదీ రాత్రి ఈ హత్యలు జరిగాయి. తాళం వేసి ఉన్న ఇంట్లోంచి ఏదో దుర్వాసన వస్తోందని చుట్టుపక్కల వాళ్లు ఫిర్యాదు చేయడంతో ఈ విషయం వెలుగులోకి వచ్చింది. పోలీసులు బలవంతంగా తలుపు తెరిచి చూస్తే అందులో రెండు శవాలున్నాయి.

మహారాష్ట్రకు చెందిన ఆ దంపతులు తమకు పిల్లలు పుట్టకపోవడంతో ఏడాది వయసున్న ఆ అమ్మాయిని 15 ఏళ్ల క్రితం దత్తత తీసుకున్నారు. ఇప్పుడు ఓ ప్రైవేటు స్కూల్లో పదో తరగతి చదువుతున్న ఆ అమ్మాయి.. హత్య అనంతరం తన బోయ్ఫ్రెండుతో కలిసి ఉంటోందని పోలీసులు చెప్పారు. మధ్యమధ్యలో ఆ బోయ్ఫ్రెండు మాత్రం ఇంటికి వచ్చి, మృతదేహాల మీద సెంటు చల్లుతూ ఉండేవాడని తెలిపారు. పోలీసులకు అనుమానం వచ్చి దత్తత కుమార్తెను ప్రశ్నించగా మొత్తం విషయం బయటపడింది. తన తల్లిదండ్రులు తనను కొట్టేవారని, తనకు చదువుకోవడం ఇష్టం లేకపోయినా బలవంతంగా చదివించేవాళ్లని ఆమె చెప్పింది. అందుకే తన బోయ్ఫ్రెండుతో కలిసి చంపేసినట్లు పోలీసులకు తెలిపింది. ఎంత ఇష్టం లేకపోయినా.. ఎంతో ప్రేమతో పెంచిన తల్లిదండ్రులను అంతం చేస్తామా..? యువకుల్లోనే కాదు యువతుల్లో కూడా నేర ప్రవృత్తి పెరుగుతుందనడానికి ఇదే ఉదాహరణ.

జి.మనోహర్