క్యాథలిక్ ప్రీస్ట్ యుఎస్ నుంచి దేశ బహిష్కరణ

Posted: 05/15/2014 06:45 PM IST

48 సంవత్సరాల భారతదేశానికి చెందిన కేథలిక్ ప్రీస్ట్ ని 13 సంవత్సరాల బాలిక మీద అత్యాచారం చేసిన నేరం మీద ఆ దేశం నుంచి బహిష్కరించి భారత్ కి పంపించేస్తోంది.  లియో ఛార్లెస్ కొప్పాల ను విమానాశ్రయం తీసుకుని వచ్చిన యుఎస్ ఇమిగ్రేషన్ అండ్ కస్టమ్స్ ఎన్పోర్స్ మెంటు అధికారులు మే 14 న భారత అధికారులకు అప్పజెప్పారు.  

సెకండ్ డిగ్రీ క్రిమినల్ సెక్సువల్ కాండక్ట్ కింద జూన్ 8 2012 లో కొప్పాలను అరెస్ట్ చేసినపుడు బాధితురాలి వయసు 12 సంవత్సరాలు.  ఆ తర్వాత బెయిల్ మీద బయటకు వచ్చిన కొప్పాల ను మార్చి 31 నాడు దోషిగా కోర్టు నిర్ణయించగా, ఏప్రిల్ 1 నాడు ఇమిగ్రేషన్ అధారిటీ ఆయన బహిష్కరణకు ఆదేశాలిచ్చింది.  అర్కిడియోసిస్ ది వినోనాలో పనిచేసిన కొప్పాలను మినిస్ట్రీ నుంచి తొలగించారు.  ఆయన ఆంధ్రప్రదేశ్ లోని నెల్లూరుకి చెందినవాడవటం వలన ఈ విషయంలో నెల్లూరులోని బిషప్ కి కూడా  ఈ సమాచారాన్ని అందజేసారు.  

కొప్పాల కేథలిక్ చర్చ్, సమాజంలో ఉన్న విశ్వాసాన్ని పోగొట్టుకున్నారని, ఆయనను దేశం నుంచి బహిష్కరించటం వలన బాధితురాలికి ఉపశమనం కలుగుతుందని నమ్ముతున్నామని ఇఆర్వో డైరెక్టర్ సైంట్ పాల్ అన్నారు.

-శ్రీజ