తృణమూల్ మీద కీలెరిగి వాత- శారదా చిట్ ఫండ్ మీద దర్యాప్తు

Posted: 04/21/2014 10:45 AM IST

ఎన్నికల దగ్గరపడ్డ తరుణంలోనే తృణమూల్ కాంగ్రెస్ ని ఇరుకునపెట్టే ఉద్దేశ్యంతో కేంద్ర ప్రభుత్వం శారదా చిట్ ఫండ్స్ లోని కుంభకోణం మీద దర్యాప్తుకు సిబిఐని, ఇడి ని ఉసిగొలిపిందని తృణమూల్ కాంగ్రెస్ నాయకులు ఆరోపిస్తున్నారు. 

ఎన్నికలకు రెండు రోజుల ముందు ఈ దర్యాప్తులేంటంటూ పశ్చిమ బెంగాల్ ఆర్ధిక పరిశ్రమల మంత్రి అమిత్ మిత్రా ఇందులో సిబిఐ ఇడిల అంతర్యమేమిటని అడుగుతున్నారు.  ఆర్థిక అవకతవకల దర్యాప్తుల్లో సిబిఐ ఇడి లు కొన్ని కేసులను సందర్భాన్నిబట్టి ఎంచుకుంటున్నాయంటూ ఆయన విమర్శించారు.

చిట్ ఫండ్ వ్యతిరేక బిల్లును పశ్చిమ బెంగాల్ శాసనసభలో ఆమోదింపజేయగా దానిమీద కేంద్ర ప్రభుత్వం ఎందుకు జాప్యం చేస్తోందని ప్రశ్నిస్తూ అమిత్ మిత్రా, సిట్ దర్యాప్తు చేస్తోంది, కమిషన్ దాని మీద పనిచేస్తోంది, కానీ రాష్ట్ర ప్రభుత్వం మాత్రం ఎటువంటి అధికారాలు లేకుండా ఉంది అన్నారు.

-శ్రీజ