నామినేషన్ వేసి హిందూపురం అభివృద్ధికి కంకణం కట్టుకున్న బాలకృష్ణ

Posted: 04/16/2014 02:07 PM IST

తెలుగు దేశం పార్టీ తరఫున హిందూపురం అసెంబ్లీ సీటు దక్కించుకున్న నందమూరి బాలకృష్ణ ఈరోజు పండితులు నిర్ణయించిన ముహూర్తానికి తహసీల్దార్ కార్యాలయంలో నామినేషన్ దాఖలుచేసారు. 

కుటుంబ సభ్యులతో హైద్రాబాద్ నుంచి బెంగళూరు విమానంలో అక్కడి నుండి హిందూపురానికి రోడ్డు మార్గంలో చేరుకుని, అనుకున్న ప్రకారం స్థానిక ప్రముక దేవాలయమైన సుగూరు ఆంజనేయస్వామి ఆలయంలో ప్రత్యేక పూజలు చేయించి, ర్యాలీగా తరలివెళ్ళి నామినేషన్ దాఖలుచేసారు. 

తెదేపా నాయకులు, కార్యకర్తలు, మాజీ ఎమ్మల్యే అబ్దుల ఘనీతో పాటు సినీ అభిమానులు ఉత్సాహంగా పాల్గోన్న ఆ కార్యక్రమంలో నామినేషన్ పూర్తి చేసుకుని, హిందూపురం నియోజకవర్గాన్ని అభివృద్ధి చేస్తానని, రాష్ట్రంలోనే నెంబర్ వన్ గా చేస్తానని హామీ ఇచ్చారు.  హిందూపురంలో బసవతారకం క్యాన్సర్ హాస్పిటల్ ని స్థాపిస్తానని కూడా బాలకృష్ణ మాటిచ్చారు.

-శ్రీజ