తమిళనాట తెలుగు తమ్ముళ్ళ మాట!

Posted: 03/04/2014 09:07 AM IST

తెలుగు మాట్లాడే సోదరుల సంక్షేమం కోసం తమిళనాడులో రాజకీయ పార్టీ ఆవిర్భవించింది. 

ఆ తమిళనాడు తెలుగు మక్కల్ కచ్చి పేరుతో స్థాపించిన ఈ పార్టీ జెండాను పలు సంస్థల సమక్షంలో సోమవారం నాడు ఆ పార్టీ నాయకుడు ఎస్ రాందాస్ ఆవిష్కరించారు.  తెలుగు మాట్లాడేవారి సంఖ్యాబలం లేకపోవటంతో వారిని చిన్నచూపు చూస్తున్నారని, వారి సంక్షేమాన్ని పట్టించుకోవటంలేదని, కానీ తమిళనాడు అభివృద్ధిలో వారి పాత్ర ఎంతో ఉన్నదన్న సంగతి విస్మరిస్తున్నారని ఆయన అన్నారు. 

తమిళనాడులోని మూడు పార్టీలలోనూ తెలుగు నాయకులున్నా ఫలతం మాత్రం సున్నా అన్నారాయన.  తెలుగువారి సమస్యలను పార్టీ ముందుకు తీసుకుని రమ్మని కోరారు రాందాస్.  భాషాపరంగా తక్కువ సంఖ్యలో ఉన్నవారికి గుర్తింపు ఉండాలంటూ రాందాస్ మీడియా ప్రతినిధులతో అన్నారు.  రాజకీయంగా సోషల్ డెమాక్రటిక్ అలయెన్స్ తో పొత్తుపెట్టుకుంటామని కూడా తెలియజేసారు.

ఆ తర్వాత పార్టీలో 11 తీర్మానాలు జరిగాయి.  ముఖ్యంగా తమిళనాడులో తెలుగు భాషను రాష్ట్రంలో రెండవ అధికార భాషగా చేస్తామని పార్టీ అధ్యక్షుడు సి.జె. రాజ్ కుమార్ అన్నారు.  పిఎమ్కే నాయకత్వంలో నడిచే సోషల్ డెమాక్రటిక్ అలియన్స్ తో పార్టీ పొత్తు పెట్టుకుంటుందని తెలియజేసారు.  మద్యం దుకాణాలను మూసివేయాలన్న పిఎమ్కే కి మద్దతుగా నిలుస్తామని కూడా అన్నారు. 

-శ్రీజ