మీరు తేల్చకపోతే... మేం తేల్చుతాం

Posted: 01/07/2014 09:21 PM IST

ఆంధ్ర ప్రదేశ్ రాష్ట్రం నుండి తెలంగాణ ను విడగొడతామని ప్రకటించిన కేంద్రం ఆ మేరకు దానికి సంబంధించిన ప్రక్రియను పూర్తి చేసి, తెలంగాణ ముసాయిదా బిల్లు రూపంలో తెలంగాణ బిల్లును రాష్ట్ర అసెంబ్లీకి పంపి, దీని పై చర్చ జరిపి జనవరి 23 వ తేదీ లోపు తిరిగి పార్లమెంటుకు పంపించాలని చెబితే మన రాష్ట్రానికి చెందిన నాయకులు అసెంబ్లీలో దీని పై చర్చ జరగకుండా రచ్చ రచ్చ చేస్తూ సభను సజావుగా జరగనీయక పోవడమే కాకుండా సభా సమయాన్ని, డబ్బును వ్రుధా చేస్తుండటం, కేంద్రం ఇచ్చిన గడుపు దగ్గర పడుతుండటంతో కేంద్ర హోం శాఖ రంగంలోకి దిగింది.

టి. బిల్లును ఈనెల 23వ తేదీ లోపు తిరిగి పార్లమెంటుకు పంపించాలని, ఒకవేళ పంపించక పోయినా పార్లమెంటులో బిల్లు ప్రవేశ పెట్టడం జరుగుతుందని, బిల్లులో సరవణలు ఉంటే పార్లమెంట్ లో చూసుకుంటామని  చెబుతూ రాష్ట్ర ప్రభుత్వాన్ని కేంద్ర హోంశాఖ ఆదేశించింది. టి. బిల్లుపై శాసనసభలో సభ్యులు లేవనెత్తిన అభ్యంతరాలన్నీ కుంటిసాకులేనని, వీటీకి పార్లమెంట్‌లోనే సమాధానం చెబుతామని కేంద్ర హోంశాఖ వర్గాలు తెలిపాయి.

బిల్లుపై అసెంబ్లీలో జరుగుతున్న గందరగోళాన్ని గమనిస్తున్నామని, ఫిబ్రవరి మూడవ తేదీ నుంచి ప్రత్యేక పార్లమెంట్ సమావేశాల్లో జరగనున్న నేపథ్యంలో రాష్ట్ర ప్రభుత్వ ప్రధాన కార్యదర్శి (సీఎస్)కు లేఖ రాశాయి.