షార్ట్ సర్క్యూటే ప్రాణాలను బలిగొంది

Posted: 12/28/2013 08:32 AM IST

నాందేద్ - బెంగుళూరు ఎక్సప్రెస్ రైలు అనంతపురం జిల్లా కొత్త చెరువు సమీపంలో ఘోర అగ్ని ప్రమాదానాకి గురైన విషయం తెలిసిందే. ఈ ప్రమాదానికి కారణం షార్ట్ సర్క్యూటే కారణం అని రైల్వే అధికారులు ప్రాథమిక అంచనాకు వచ్చారు. ఈ ప్రమాదంలో 21 మంది పెద్దవారితోపాటు ఇద్దరు పిల్లలు దుర్మరణం చెందారు.

తెల్లవారుజామున 3.25 గంటల  ప్రాంతంలో ఈ ఘటన జరిగటంలో ఆ టైంలో రైల్లో ఉన్న ప్రయాణికులు గాఢ నిద్రలో ఉండటంతో వారు ప్రాణాలను రక్షించుకోలేక పోయారని అంటున్నారు. ప్రమాదం విషయం తెలియగానే అనంతపురం రేంజ్ డిఐజి బాలకృష్ణ, కలెక్టర్ లోకేష్ కుమార్ ఘటనా స్థలానికి చేరుకొని సహాయ కార్యక్రమాలలో నిమగ్నమయ్యారు.

మంత్రి రఘువీరా రెడ్డి సంఘటనా స్థలానికి చేరుకొని పరిస్థితిని సమీక్షిస్తున్నారు. ఈ సంఘటన పై ముఖ్యమంత్రి కిరణ్ కుమార్ రెడ్డి తీవ్ర దిగ్బ్రాంతి వ్యక్తం చేశారు.