ఈ సమావేశాల్లోనే తెలంగాణ బిల్లు : షిండే

Posted: 12/19/2013 09:02 PM IST

ఆంధ్రప్రదేశ్ రాష్ట్ర విభజన ప్రక్రియకు సంబంధించిన బిల్లును వచ్చే పార్లమెంటు సమావేశాల్లోనే ప్రవేశపెట్టన్నట్లు కేంద్ర హోంమంత్రి సుశీల్ కుమార్ షిండే వెల్లడించాడు. తెలంగాణ ముసాయిదా బిల్లును రాష్ట్ర అసెంబ్లీకి రాష్ట్రపతి ప్రణబ్ ముఖర్జీ తో సంతకం పెట్టి పంపించిన విషయం తెలిసిందే. ఈ బిల్లు పై రాష్ట్ర అసెంబ్లీలో చర్చ జరగాల్సి ఉన్నా దీని పై సీమాంధ్ర ప్రాంతానికి చెందిన నేతలు పెద్ద గందరగోళం చేయడంతో అసెంబ్లీ నిరవధికంగా వాయిదా పడిన విషయం తెలిసిందే. ఈ బిల్లు పై రాష్ట్రపతి గడువు జనవరి 23 వరకు ఇచ్చారు.

ఈ లోగా దాని పై చర్చించి పంపేదెప్పుడో, దాన్ని పార్లమెంటులో ప్రవేశపెట్టేదెప్పుడో కానీ, కేంద్రం మాత్రం ఈ సమావేశాల్లోనే బిల్లు పెడతామని తెలంగాణ వాదులకి ఆశను రేపుతుంది.  అదే సమావేశాల్లో మత హింస నిరోధక బిల్లు కూడా తీసుకొస్తామని షిండే చెప్పారు.