ఆంప్రప్రదేశ్ కు నీటి కేటాయింపు

Posted: 11/29/2013 12:29 PM IST

ఆంద్రప్రదేశ్ కు నీటి కేటాయింపులు జరిగాయి. క్రిష్ణా జలాల పంపిణీ పై బ్రిజేష్ కుమార్ ట్రైబ్యూనల్ ఈ రోజు తుది తీర్పు వెలువరించింది. ఆంద్రప్రదేశ్ కు 1001 నుంచి 1005 టీఎంసీలు కేటాయిస్తూ ఆదేశాలు జారీ చేసింది. ఆర్డీఎన్ కుడి కాలువకకు 4 టీఎంసీలు కేటాయించింది. మద్యంతర తీర్పులో పెద్దగా మార్పు లేకుండా బ్రిజేష్ కుమార్ ట్రైబ్యునల్ తుది తీర్పు ను వెల్లడించింది.

 

ఆంద్రప్రదేశ్ వినతిని కేంద్రం ఏర్పాటు చేసే అధారిటీ పరిశీలిస్తుందని పేర్కొంది. 65 శాతం నీటి లబ్యత ఆధారంగా ఆంద్రప్రదేశ్ , కర్ణాటక, మహారాష్ట్రకు ట్రైబ్యునల్ నీటి కేటాయింపులు చేపట్టింది. బ్రిజేష్ కుమార్ ట్రైబ్యునల్ తీర్పును స్వాగతిస్తున్నట్లు కర్ణాటక న్యాయవాది తెలిపారు. ఈ తీర్పు కర్ణాటక ప్రజలకు మేలు చేస్తుందని ఆయన వ్యాఖ్యానించారు. మిగులు జలాల హక్కుల పై కర్ణాటక వాదనలకకు ట్రైబునల్ సానుకూలత వ్యక్తం చేసింది. బ్రిజేష్ కుమార్ ట్రైబ్యునల్ తీర్పు ఆంద్రప్రదేశ్ కు శరాఘాతమని సాగునీటిరంగ నిపుణులు అభిప్రాయపడుతున్నారు.