సాప్ట్ వేర్ ప్రియుడి అంగం పై ప్రేయసి కత్తితో దాడి?

Posted: 11/29/2013 03:13 PM IST

సాప్ట్ వేర్ ఉద్యోగి, ఐదు అంకెల్లో జీతం. హాయిగా గడిచిపోయే లైప్. లైప్ ను ఎంజాయ్ చేస్తూ.. ప్రేమ కోసం వేట సాగించాడు. కానీ ప్రేమ చివరకు తన ప్రాణాలు తీస్తుందనే విషయం తెలుసుకోలేకపోయాడు. అసలు విషయం ఏమిటంటే.. రాజమండ్రికి చెందిన కాకరపల్లి ప్రతాప్ బాచుపల్లిలో ఉంటూ హైదరాబాద్ లోని హైటెక్ సిటీలో సాఫ్ట్‌వేర్ ఇంజినీర్‌గా పని చేస్తున్నాడు. అతను డిప్లామో చదివే సమయంలో అదే ప్రాంతానికి చెందిన రమ్యతో పరిచయం ఏర్పడి, ప్రేమ చిగురించి, పెళ్లికాకుండానే.. రమ్యతో సంసారం సాగించాడు. ప్రతాప్ రమ్యల మద్య ప్రేమయాణం బాగానే సాగింది.

 

అయితే ఇప్పుడు ప్రతాప్ తన రూట్ మార్చుకున్నాడు. రమ్యను వదిలేసి మరో అమ్మాయితో పెళ్లి సిద్దమయ్యాడు. ఈ విషయం తెలుసుకున్న రమ్య ప్రతాఫ్ పై పగ పెంచుకుంది. అతనికి ఎలాగైన బుద్ది చెప్పాలనే ఉద్దేశంతో.. బాచుపల్లిలో ఉంటున్న ప్రతాప్ ఇంటికి వెళ్లి, అప్పడు బయటకు వస్తున్న ప్రతాప్ కత్తితో దాడి చేసింది. రమ్య ప్రతాప్ మర్మాంగంపై తన వెంట తెచ్చుకున్న చిన్న కత్తితో దాడి చేసేందుకు యత్నించింది.

 

ప్రతాప్ తప్పించుకోవడానికి ప్రయత్నించడంతో తొడపై గాయాలయ్యాయి. వెంటనే ప్రతాప్‌ను ఇంట్లోకి గెంటివేసి బయట గడియ పెట్టి రమ్య పరారైంది. తేరుకున్న ప్రతాప్ తన స్నేహితుడికి ఫోన్ ద్వారా సమాచారం అందించడంతో అతడు వచ్చి ప్రతాప్‌ను ఆస్పత్రికి తరలించారు. ప్రతాప్ పోలీసు స్టేషనల్లో కేసు పెట్టినట్లు సమాచారం. రంగంలోకి దిగిన పోలీసులు రమ్య కోసం గాలిస్తున్నారు.