ఆరుషి కేసులో తల్లిదండ్రులే దోషులు

Posted: 11/25/2013 05:30 PM IST

2008 మే 16న ఆరుషి అనే 13 ఏళ్ల బాలిక తన గదిలోనే మంచంపై హత్యకు గురయింది. పదునైన ఆయుధంతో గొంతు కోసి ఆమెను హత్య చేసినట్లు పోలీసులు గుర్తించారు. ఆమె హత్యానంతరం కనపడకుండా పోయిన వారి పనిమనిషి హేమరాజ్ ఈ హత్య చేసి ఉంటాడని తొలుత భావించారు, అయితే ఆ మార్నేడే అదే భవనంలో హేమరాజ్ మ్రుతదేహం కూడా లభించింది.

 

దీంతో అనుమానం ఆరుషి తల్లిదండ్రుల పైకి మళ్లింది. వారిద్దరు డాక్టర్లు కావడం, హత్య జరిగిన తీరు అ అనుమానాన్ని బలపరచడంతో పోలీసులు ఆ దిశగా విచారణ ప్రారంభించారు. ఆరుషి వారి ఏకైక సంతానం . అయితే ఈ కేసు సిబిఐ చేతికి వెళ్లింది. దీంతో ఈ కేసు చివరకు పలు మలుపులు తిరిగి ఎట్టకేలకు ఈ రోజు తీర్పు వెలువడింది.

 

ఆరుషి, హేమరాజ్ జంట హత్యల కేసులో్ ఘజియాబాద్ సిబిఐ కోర్టు ఈరోజు తీర్పు వెలువరించింది. ఆరుషి తల్లిండ్రులైన నూపుర్, రాజేష్ తల్వార్లనే న్యాయస్థానం దోషులుగా తేల్చింది. వీరికి రేపు శిక్ష ఖరారు చేయనుంది. ఈ కేసు ఐదేళ్ల తర్వాత తీర్పు వెలువడింది.