జగన్‌ దీక్ష భగ్నం

Posted: 10/10/2013 08:18 AM IST

Fasting ys jagan shifted to nims hospital

రాష్ట్ర విభజనకు వ్యతిరేకంగా, సమైక్యాంద్ర కోసం వైఎస్ఆర్ కాంగ్రెస్ పార్టీ అధినేత వైఎస్ జగన్ తన ఇంటి వద్ద దీక్ష చేస్తున్న విషయం తెలిసిందే. అయితే ఆయన ఆరోగ్యం విషమించటంతో.. భారీ బలగాల మద్య జగన్ దీక్ష ను నిమ్స్ కు చేర్చటం జరిగింది. ఆరోగ్యం విషమించటంతో వైద్యుల సలహా మేరకు అర్థ రాత్రి పోలీసులు రంగప్రవేశం చేసి జగన్‌ను ఆసుపత్రికి తరలించారు. రక్తపోటు, సుగర్‌ లెవల్స్‌ గణనీయంగా తగ్గడంతో ఆయన దీక్షా వేదికపైనే సొమ్మసిల్లారు. శరీరంలో కీటోన్లు 4 ప్లస్‌గా వృద్ధిచెందినట్లు వైద్యులు గుర్తించారు. చికిత్స నిర్వహించక పోతే శరీర అవయవాలు దెబ్బతినటంతో పాటు అపస్మారక స్థితిలోకి చేరే ప్రమాదముందని హెచ్చరించారు.

తక్షణమే ఫ్లూయిడ్స్‌ ఎక్కించాలని సూచించారు. దీనికితోడు ఆయన వెన్ను, నడుము నొప్పితో బాధపడుతున్నారు. దీంతో పోలీసులు బలవంతంగా ఆయన్ను ఆసుపత్రికి తరలించేందుకు రంగం సిద్ధం చేసుకున్నారు. పోలీసులు, వైకాపా నేతల మధ్య వాగ్వాదం జరిగింది. జగన్‌ను ఆసుపత్రికి తరలిస్తున్న సమయంలో కార్యకర్తలు అడ్డుకునే ప్రయత్నం చేశారు. పోలీసులు చెదరకొట్టారు. విస్తృత బందోబస్తు నడుమ ఆయన్ను రాత్రి 11.30 గంటల సమయంలో నిమ్స్‌కు తరలించారు. అత్యవసర విభాగంలో ఆయనకు వైద్యులు పరీక్షలు నిర్వహిస్తున్నారు. జగన్‌ ఆరోగ్య పరిస్థితిపై పార్టీ నేతలు వైవి సుబ్బారెడ్డి భారతి తండ్రి గంగిరెడ్డి వైద్యులనడిగి తెలుసుకున్నారు. అయితే జగన్‌ చికిత్సకు నిరాకరించి ఆసుపత్రిలోనే దీక్షను కొనసాగిస్తానని స్పష్టం చేశారు.