శ్రీహరి మరణం-నమ్మలేకపోతున్నా: చిరంజీవి

Posted: 10/09/2013 07:04 PM IST

నటుడు శ్రీహరి మరణ వార్త టాలీవుడ్ లో విషాదఛాయలను నింపింది. టాలీవుడ్ మొత్తం తీరాని శోకంలో మునిగిపోయింది. శ్రీహరి మరణ వార్త తెలిసినప్పటికి, టాలీవుడ్ ప్రముఖులు నమ్మలేకపోతున్నారు. అలాంటి వారిలో కేంద్ర మంత్రి చిరంజీవి. చిరంజీవి కుటుంబానికి, నటుడు శ్రీహరికి మంచి స్నేహ సంబంధాలు ఉన్నాయి. అంతేకాకుండా మెగా కుటుంబానికి శ్రీహరి ఆప్తుడనే విషయం అందరికి తెలిసిందే. అయితే శ్రీహరి మరణించారనే వార్తను నమ్మలేకపోతున్నానని కేంద్ర మంత్రి చిరంజీవి తెలిపారు. శ్రీహరి హఠాన్మరణం పట్ల ఆయన తీవ్ర సంతాపం వ్యక్తం చేశారు. రామ్ చరణ్ శ్రీహరి మరణ వార్త తెలిసి వెంటనే దిగ్ర్బాంతికి గురైనట్లు సమాచారం. తన పక్కన నటించిన ‘షేర్ ఖాన్ ’ ఇకలేరు అనే నిజాన్ని రామ్ చరణ్ నమ్మలేకపోతున్నారు.