సకలజనుల భేరి మ్రోగుతోంది

Posted: 09/29/2013 03:42 PM IST

మెదక్ జిల్లాలోని పటాన్ చెరువు నుంచి 1500 బైక్ లతో తెరాస నాయకుడు హరీష్ రావు ర్యాలీగా రాగా, కుత్బుల్లాపూర్ నుంచి 1000 బైక్ లతో కెటి రామారావు తరలివచ్చారు.  ఇంకా ఎందరో తెలంగాణా నాయకులంతా పెద్ద సంఖ్యలో నిజామా కాలేజ్ గ్రౌండ్స్ కి చేరుకున్నారు. 

తెలంగాణా రాజకీయ ఐకాస ఆధ్వర్యంలో జరుగుతున్న సకలజనుల భేరీ కార్యక్రమానికి నాయకులు వస్తుండగా మధ్యాహ్నం రెండు గంటల నుంచే సకలజనుల భేరి సభావేదిక మీద సాంస్కృతిక కార్యక్రమాలు జరుగుతున్నాయి. 

సభ ప్రారంభమై, వేదిక మీదకు వచ్చిన రాజకీయ ఐకాస కో చైర్మన్ మల్లేపల్లి లక్ష్మయ్య తెలంగాణా పోరాటం కేవలం, భూమి భుక్తికోసమేనని అన్నారు.  సమైక్య రాష్ట్రంలో నీళ్ళు, ఉద్యోగాలను కొల్లగొట్టారని, హైద్రాబాద్తెలంగాణాదేనని, అది తెలంగాణా ప్రజల రక్తమాంసాలతో నిర్మించబడిందని లక్ష్మయ్య అన్నారు. 

సభ సాగుతోంది.  మరిన్ని అప్ డేట్స్ తో మీ ముందుకు వస్తాం.

-శ్రీజ