ప్యాకేజి సీమాంధ్రులకివ్వండి తెలంగాణకు కాదు

Posted: 07/16/2013 03:15 PM IST

శుక్రవారం ఢిల్లీలో జరిగిన కోర్ కమిటీ మీటింగ్ లో ముఖ్యమంత్రి కిరణ్ కుమార్ రెడ్డి తన వైపు వాదనగా సమైక్యాంధ్రకే మొగ్గుచూపించారు.  కష్టపడి 25 సంవత్సరాలుగా పోరాడి నియంత్రించిన నక్సల్ మావోయిస్ట్ దురాగతాలు మళ్ళీ చెలరేగుతాయని, ఇంకా అక్కడక్కడా యుద్దవాతావరణం నెలకొనివున్నదని, ఎక్కువగా మావోయిస్ట్ లలో తెలంగాణా వాసులే నాయకులుగా ఉన్నారని చెప్తూ, తెలంగాణాకు ఈ నేపథ్యంలో ప్రత్యేక రాష్ట్రానికి అనుమతించేదాని కన్నా వాళ్ళకి ఆర్థిక సహాయంగా ప్రత్యేక ప్యాకేజిని ఇస్తే తెలంగాణా ఎక్కువ ప్రయోజనాన్ని పొందుతుందని అన్నారు. 

అయితే ఈ  మాటలను పార్లమెంటు సభ్యుడు వి.హనుమంతరావు తీవ్రస్థాయిలో ఖండించారు.  ప్యాకేజి సీమాంధ్రులకే ఇస్తే వాళ్ళు తమ రాజధానిని నిర్మించకుంటారు కానీ తెలంగాణాకు కావలసింది ప్రత్యేక రాష్ట్రమే అన్నారాయన.  అధిష్టానం తెలంగాణా వైపు మొగ్గుచూపుతున్న తరుణంలో కిరణ్ కుమార్ రెడ్డి ప్యాకేజీలంటూ దాన్ని పాడుచేసారని హనుమంతరావు మండిపడ్డారు. 

-శ్రీజ