విజయసాయికి ఎదురు దెబ్బ

Posted: 05/06/2013 09:52 PM IST

జగతి పబ్లికేషన్స్ ఆడిటర్ విజయసాయి రెడ్డికి నేడు కోర్టులో ఎదురు దెబ్బ తగిలింది. జగన్ అక్రమాస్తుల కేసులో భాగంగా రాంకీ సంస్థ పెట్టుబడులకు సంబంధించిన కేసులో తన పై అభియోగాలు నమోదు చేయరాదని నాంపల్లి కోర్టులో పిటీషన్ వేసిన దాని పై విచారణ కోర్టు ఆయన పిటీషన్ ని కొట్టివేసింది. రాంకీ, పెట్టుబడుల స్వీకరణ ఛార్జిషీట్లలో అభియోగాలు నమోదు వాయిదాకు కోర్టు నిరాకరించింది. కాగా వాన్‌పిక్ వ్యవహారంలో త్వరగా దర్యాప్తు పూర్తి చేయాలని కోర్టు సీబీఐని ఆదేశించింది. గన్ కేసులో అభియోగాల నమోదు చేయరాదన్న పిటిషన్ ను సిబిఐ కోర్టు తోసి పుచ్చడం విజయసాయిరెడ్డికి గట్టి ఎదురు దెబ్బే అని అంటున్నారు. మరో ప్రక్క జగన్ బెయిల్ కి సంబంధించి వాదనలు విన్న కోర్టు తీర్పును రిజర్వులో ఉంచిన విషయం తెలిసిందే.