Posted: 03/29/2013 10:22 AM IST

ముంబై లో ఎక్కువ జనాభాతో రద్దీగా ఉండే సాకినాకా ప్రాంతంలో జరిగిన పేలుడులో గోడకూలి ఐదుగురు మరణించారు.

దర్యాప్తు జరుగుతోంది. పేలుడుకి కారణమేమిటో ఇంకా అంతుపట్టలేదు. పేలుడుకి కూలిన ఇంటిని ఆనుకుని ఒక లఘు పరిశ్రమ ఉంది.

ఘటనా స్థలికి చేరుకున్న అగ్ని మాపక దళాలు అక్కడ చెల్లాచెదురుగా పడివున్న వస్తువులను తీయటంలో నిమగ్నమైవున్నారు.

సాకినాకా ప్రాంతమంతా విపరీతమైన జనసమ్మర్దంతో దగ్గరదగ్గర ఇళ్ళతో ఉండటం వలన ఏం జరిగిందో తెలియక అంతా సందిగ్ధావస్తలో ఆందోళన చెందారు. బాంబు దాడి కాదని మాత్రం తెలిసింది కానీ ఏం పేలిందన్నది ఇంకా అర్ధం కాలేదు. దొరికిన శవాలను బట్టి ఐదుగురు మృతి చెందారని ఇంత వరకు వచ్చిన సమాచారం.

-శ్రీజ