Posted: 03/13/2013 03:25 PM IST

ఈ రోజు బడ్జెట్ సమావేశాల ప్రారంభం ప్రతిసారి లాగానే గవర్నర్ ప్రసంగంతో మొదలైంది.  ప్రసంగం బాపతు కాపీలను చింపి గాల్లోకి విసిరేసి, ఆందోళనచేస్తూ, బహిష్కరించి బయటకు వెళ్ళిపోయిన ప్రతిపక్షాలు ఆయన ప్రసంగం మీద వ్యాఖ్యలు కూడా చేసాయి.  

కాంగ్రెస్ కార్యకర్త ప్రసంగంలా ఉందంటూ వైయస్ఆర్ కాంగ్రెస్ నుంచి ఆరోపణలు వచ్చాయి.  2009 లో చేసిన ప్రసంగం నకలు లాగానే ఉందంటూ వైకాపా శాసన సభ్యుడు కరుణాకర రెడ్డి ఆరోపించారు.  

గవర్నర్ ప్రసంగమంతా తప్పుల తడక అన్నారు తెలుగు దేశం పార్టీ అధినేత చంద్రబాబు నాయుడు.  

గవర్నర్ ప్రసంగంలో కొత్తదనమేమీ లేదంటూ సిపిఐ సిపిఎమ్ లు వ్యాఖ్యానించాయి.  ప్రసంగంలో ఒక లక్ష్యమనేది లేకుండా ఒకే ఊకదంపుడుగా సాగిందని సిపిఐ నేత గుండా మల్లేష్ అన్నారు.  

తెలంగాణా సమస్య మీద ఒక్క మాటన్నా మాట్లాడలేదని తెలంగాణా రాష్ట్ర సమితి నాయుకుడు ఈటెల రాజేందర్ అసంతృప్తిని వెల్లడించారు.  12 సంవత్సరాలుగా చేస్తున్న పోరాటంలో ఎంతో మంది బలిదానం చేసిన నేపథ్యంలో తెలంగాణా గురించి మాట్లాడకపోవటం సిగ్గుచేటని ఆయన అన్నారు.  

శాంతి భద్రతల మాటేది అన్నారు భారతీయ జనతా పార్టీ నేత యెండెల లక్ష్మీనారాయణ విమర్శించారు.  విద్యుత్ సంక్షోభం గురించి కూడా ఊసులేదని ఆయన మండిపడ్డారు.  

-శ్రీజ