Posted: 02/21/2013 05:28 PM IST

కడపలో డిసిసిబి అధ్యక్ష, ఉపాధ్యక్ష పదవులకు నిన్న జరగవలసిన ఎన్నికలు జరగనందున వాటిని ఈ నెల 28 కి వాయిదా వేసారు.  ఈ మేరకు జిల్లా కలెక్టర్ ఈ రోజు ఉదయం ప్రకటన చేసారు.  ముందుగా నిర్ణయించుకున్న ప్రకారం బుధవారమే జరగవలసని ఈ ఎన్నికలు మంగళవారం రాత్రి ఎన్నికల నిర్వాహణాధికారి చంద్రశేఖర్ అపహరణ వలన ఆగిపోయింది. 

మంగళవారం రాత్రి కొందరు గుర్తు తెలియని మనుషులు చంద్రశేఖర్ ని బలవంతంగా చిత్తూరు జిల్లా మదనపల్లి తీసుకెళ్ళి అక్కడ వదిలిపెట్టారు.  ఈ లోపులో కడపలో ఎన్నికల విషయంలో గందరగోళం నెలకొంది.  జరిగిన ఘటన, స్థానికంగా ఉన్న ఉద్రిక్త పరిస్థితులను దృష్టిలో పెట్టుకుని, ముందు గురువారం ఎన్నికలను నిర్వహిస్తామని చెప్పినా, తిరిగి 28 కి వాయిదా వేయటం జరిగిందని ప్రకటించారు.