Posted: 01/13/2013 04:07 PM IST

       పాకిస్తాన్ వెన్నుదన్నుతోనే మజ్లిస్ ఎమ్మెల్యే అక్బరుద్దీన్  హిందూ వ్యతిరేక వ్యాఖ్యలు చేస్తున్నారని కాకినాడ శ్రీపీఠం నిర్వాహకులు స్వామి పరిపూర్ణానంద సరస్వతి ఆరోపించారు. ఒవైసీ పరిణామాల అనంతరం రెండు రోజులకే పాకిస్థానీయులు భారత జవాన్ల తలలు నరికి భారతీయులకు హెచ్చరిక జారీ చేశారన్నారు. దేశ భద్రతను సవాల్ చేసే ధైర్యం అక్బరుద్దీన్‌కు వచ్చిందంటే అనుమానించాల్సి వస్తుందన్నారు. దేశ చరిత్ర అంటే హిందూ ధర్మమేనని పరిపూర్ణానంద అన్నారు. తిరుమల వేంకటేశ్వర స్వామి నిలబడి కోట్లాది రూపాయలు సంపాదించగలుగుతున్నాడని, వాటిని ప్రజోపయోగ కార్యక్రమాలకే ఉపయోగిస్తున్నారన్నారు. నాయకులు తాము సంపాదించిన కోట్లాది రూపాయలను స్విస్ బ్యాంకుల్లో దాచుకుంటున్నారన్నారు. వారంతా ఇప్పుడు జైలులో ఉన్నారని ధ్వజమెత్తారు. ఇటీవల కొనసాగుతున్న సంతకాల సేకరణ ఒక వ్యక్తికి సంబంధించిన అంశమని, దీంతో ప్రజలకు ఉపయోగం లేదని, హిందూ ధర్మాన్ని రక్షించుకోవడానికి సంతకాల సేకరణ కార్యక్రమం చేపడితే బాగుండేదన్నారు.

...avnk