Posted: 01/01/2013 02:55 PM IST

రాజకీయ నాయకులు పరస్పరం దూషనలు చేసుకోవడం సర్వసాధారణమే కానీ, అప్పుడుడప్పుడు తన స్థాయిని మించి నోరు పారేసుకుంటారు. తాను ప్రజాప్రతినిధిని అనే విషయాన్ని కూడా మరచి పోయి అసభ్యపదజాలంతో దూషిస్తారు. ఇందుకు ఏ రాజకీయనాయకుడు అతీతుడు కాడు. గతంలో ఇలాంటి సంఘటనలు ఎన్నో జరిగాయి కూడా. ఇప్పుడు తాజాగా పార్లమెంటు సభ్యుడు, ఎంపీల ఫోరం కన్వీనర్ అయిన పొన్నం ప్రభాకర్ తన తోటి ఎంపీ అయిన లగడపాటి రాజగోపాల్ పై నోరు పారేసుకున్నాడు. పక్కా సమైక్యవాది అయిన లగడపాటి పై పొన్నం మండిపడ్డారు. ‘ఆయనో బేవకూఫ్, ప్రజాస్వామ్యం గురించి తెలియని మూర్ఖుడు, ఆయన గురించి మాట్లాడటం వేస్ట్’ అని లగడపాటి పై ధ్వజమెత్తారు.ఎవడో కోన్ కిస్కాగాడు అడ్డుపడితే తెలంగాణ రాష్ర్ట్ర ఏర్పాటును ఆపొద్దని, కేంద్ర ప్రభుత్వం ఇచ్చిన హామీకి కట్టుబడాలని ఎంపీ పొన్నం ప్రభాకర్ అన్నారు. ఎంత తెలంగాణ వాది అయిన, ఎవరి అభిప్రాయాలు వాళ్ళు చెప్పే అధికారం ఈ ప్రజాస్వామ్యంలో ఉంది. సీమాంధ్ర ప్రాంతం వాడైన లగపాటి తన అభిప్రాయాన్ని వెల్లడిస్తే.... పొన్నం ఇలా దిగజారి మాట్లాడటం తగదని రాజకీయ విశ్లేషకులు అంటున్నారు. వీటి లగడపాటి ఎలా స్పందిస్తాడో చూడాలి.