Posted: 12/21/2012 03:19 PM IST

ఆయనకు అన్ని ఉన్నాయి. నాకు మాత్రం ఏం లేవు. అని సీనియర్ నాయకుడు అంటున్నారు.  గుజరాత్ ఎన్నికల్లో  మోడీ హ్యాట్రిక్ విజయం సాధించిన విషయం తెలిసిందే. ఆయన పై భీజేపి పార్టీ సీనియర్ నాయకులు, కార్యకర్తలు, పార్టీ వర్గాలు  ఎక్కువ అభిమానం చూపుతున్నాయి.  అయితే భాజపా  సీనియర్ నేత  వెంకయ్య నాయుడు మాత్రం  తన మనసులోని మాటను  బయటపెట్టారు.   గుజరాత్  లో మూడోసారి  విజయం సాధించిన  నరేంద్రమోడీకి  ప్రధాని  పదవి అభ్యర్థిగా  అన్ని అర్హతలు ఉన్నాయని  ఆయన అన్నారు. కానీ నాకు మాత్రం ఎలాంటి అర్హతలు లేవని వెంకయ్య నాయుడు చెప్పాడు. అయితే మోడీ పేరును పార్టీ ఎప్పుడూ  ప్రకటించలేదని  పేర్కొన్నారు.  సాధరణ ఎన్నికలకు ముందు  మాత్రమే  ప్రధాని  అభ్యర్థి  ఎవరన్నది  ప్రకటిస్తామని  వెంకయ్య నాయుడు వెల్లడించారు. ప్రధాని  అభ్యర్థిగా  తనకు అర్హత   లేదని,  ఆ పదవి పై ఆశ కూడా లేదని  అన్నారు.  తనకున్న అర్హతల  కంటే  పార్టీ  ఎక్కువ పదవులను కట్టబెట్టిందని చెప్పారు.   అయితే  హిమాచల్  ప్రదేశ్ లో  తమ పార్టీ ఓటమిని  అంగీకరిస్తున్నట్లు ..  అంతర్గత  సమస్యల వల్లే  హిమాచల్  ప్రదేశ్ లో  నష్టపోయినట్లు వెంకయ్య నాయుడు తెలిపారు.