Posted: 12/19/2012 05:33 PM IST

నడుస్తున్న బస్సులో ఒక అమ్మాయి జీవితాన్ని చిదిమేసిన మానవ జంతువులు. ఆ విద్యార్థి బ్రతుకులో చీకటి నింపిన మథమెక్కిన రాక్షసులు.  నలిగిపోతున్న జీవితంలో అమ్మాయి  చేసిన ఆర్తనాథాలు ఏ ఒక్క దేవుడికి వినిపించలేదా? ఆమె తల్లిదండ్రులు చేసుకున్న పూజలు, పుణ్యాలు ఏటు వెళ్లిపోయాయి. నరరూపరాక్షసుల చేతిలో నలిగిపోతున్నసమయంలో అరిచిన అరుపులు ఎవరికి వినబడలేదా?  నిజంగా ఈ సంఘటనతో మానవ జాతి మొత్తం సిగ్గుతో తలదించుకోవాలి?  అబలను సబలను చేసి ఆడుకోవటం  మగవాడు నేర్చుకున్న విద్య ఇదేనా? దున్నపోతుకు చీరకడితే  సొంగ కార్చుకునే కామాంధులు ఉన్నంతకాలం ఇలాంటి దుశ్చర్యలు జరుగుతునే ఉంటాయి. ఈ రోజు ఆబాధితురాలు చివరిగా తన తల్లిని ఒక కోరిక కోరింది.  ఆ కోరిక కూడా అతికష్టమీద అడిగినట్లు తెలుస్తోంది.  ‘ అమ్మా.. నాకు బతకాలని ఉంది ..’ అని అమ్మాయి తన తల్లిని కోరటంతో.. తల్లి గుండె పగిలిపోయింది. ఆ అమ్మాయి పరిస్థితి చూసిన తల్లికే కాదు.. అక్కుడున్న  వారందరికీ  గుండె పగిలినంత పనైంది.   అతి కష్టమీద  రెండు మాటలు  మాటలు మాట్లాడిన   ఆ యువతి  ఆరోగ్య పరిస్థితి  చాలా విషమంగా ఉన్నట్లు వైద్యులు చెప్పున్నారు.  ఆమె వెంటిలేటరు మీద ఉన్నట్లు సమాచారం అంతర్గత  అవయవాలు తీవ్రంగా  దెబ్బతిన్నాయని , దాడి చేసిన వారు జంతువుల  కన్నా ఘోరంగా  ప్రవర్తించారని  సప్థర్ జంగ్ ఆస్పత్రి వైద్యులు తెలిపారు.