Posted: 12/10/2012 07:49 PM IST

ఈ నెల 28న తెలంగాణ పై అఖిల పక్ష సమావేశం  వాయిదా వేయాలని  పీసీసీ బొత్స సత్యనారాయణ , రాష్ట్ర ముఖ్యమంత్రి సీఎం కిరణ్ కుమార్ రెడ్డి  కేంద్ర హోంమంత్రి సుశీల్  కుమార్  షిండే కోరికన విషయం తెలిసిందే. అయితే ఈ రోజు తెలంగాణ ఎంపీలు  కేంద్ర మంత్రి హోంమంత్రి షిండేతో మంతనాలు జరిపారు.  తెలంగాణ కాంగ్రెస్ ఎంపీలు  ఈ నెల 28న జరిగే అఖిల పక్ష సమావేశం వాయిదా వేయవద్దని వారు కోరినట్లు తెలుస్తోంది.  అందుకు షిండే సానుకూలంగా సమాధానం చెప్పినట్లు తెలుస్తోంది.  ఆ భేటీ అనంతరం  ఈ నెల 28న అఖిల పక్ష సమావేశం ఉంటుందని  మీడియా ద్వారా చెప్పారు.  తెలంగాణ  సమస్య పరిష్కారం  అయ్యేవరకు చర్చలు కొనసాగుతాయన్నారు. 19 మంది ఎంపీలు, తనను కలిసి అఖిల పక్షం ఏర్పాటు చేయాల్సిందిగా కోరారని  ఆయన చెప్పారు.  అన్ని పార్టీలతో  మాట్లాడితే  బాగుంటుందని  అఖిల పక్షం  ఏర్పాటు చేసినట్లు  తెలిపారు.  నాలుగైదు రోజుల్లో అఖిల పక్షం పై  ఒక నిర్ణయం  తీసుకుంటామని  ఆయన అన్నారు.