Posted: 12/11/2012 08:59 AM IST

తెలంగాణ రాష్ట్ర సమితి అధ్యక్షుడు కె.చంద్రశేఖరరావు మళ్లీ తన నోటికి పని చెప్పినట్లు కనిపిస్తుంది. మొన్నామధ్య వరకు కామ్ గా ఉన్న కేసీఆర్ మళ్ళీ తన మాటల తూటాలను వదులుతున్నాడు.  నిజామాబాద్ కలెక్టరేట్ మైదానంలో ఏర్పాటు చేసిన పార్టీ బహిరంగ సభలో కెసిఆర్ జగన్ పై తీవ్ర స్థాయిలో విరుచుకుపడ్డారు వైయస్ జగన్ ముఖ్యమంత్రి అయితే తెలంగాణ నోట్లో మట్టి కొట్టినట్లేనని అన్నారు. వైయస్సార్ కాంగ్రెసు పార్టీ గౌరవాధ్యక్షురాలు వైయస్ విజయమ్మ 'జగన్‌బాబు వస్తాడు.. పోలవరం తెస్తాడు' అ ని నమ్మబలుకుతున్నారని, కానీ జగన్ వస్తే మట్టేనని కెసిఆర్ వ్యాఖ్యానించారు. తెలంగాణ పై స్పష్టమైన వైఖరి చెప్పిని కాంగ్రెస్, టీడీపీలను బొంద పెట్టాలని ఆయన ప్రజలకు పిలుపునిచ్చారు. ఈ నెల 28న నిర్వహించే అఖిలపక్ష సమావేశంలో తెలంగాణ ద్రోహుల బం డారం బయపడుతుందని, ద్రోహులెవరో తేలాక వారిని తరిమికొట్టాలని, చంద్రబాబు, జగన్‌లపై కెసిఆర్ తీవ్రస్థాయిలో ధ్వజమెత్తారు. చంద్రబాబు మోసానికి పెట్టింది పేరని, దగాకోరు నక్కజిత్తుల చంద్రబాబు ప్రజలను మోసగించేందుకే మళ్లీ యాత్రలు చేస్తున్నారని అన్నారు.  వచ్చే ఎన్నికల్లో టీఆర్ఎస్‌కు వంద అసెంబ్లీ సీట్లు, 16 ఎంపీ సీట్లు ఇస్తే.. తెలంగాణ దానంతట అదే వస్తుందని కేసీఆర్ అన్నారు.