Posted: 10/10/2012 12:24 PM IST

హైదరాబాద్ పాతబస్తీలోని మహంకాళి ఆలయంలో చోరీ జరిగింది. పాతబస్తీ లాల్ దర్వాజాలోని సింహవాహిని మహంకాళి దేవాలయంలో దుండగులు చోరీకి పాల్పడ్డారు. ఆలయం తలుపులు పగలగొట్టి దుండగులు లోనికి ప్రవేశించారు. అయిదు లక్షలు విలువ చేసే అమ్మవారి బంగారు, వెండి ఆభరణాలు అపహరించారు. చోరీ జరిగిన విషయాన్ని గుర్తించిన ఆలయ సిబ్బంది పోలీసులకు సమాచారం అందించారు. పోలీసులు ఘటనాస్థలానికి చేరుకుని ఆధారాలు సేకరిస్తున్నారు. కేసు నమోదు చేసి దర్యాప్తు చేపట్టారు.