Posted: 09/15/2012 01:33 PM IST

పార్లమెంటు సమావేశాల్లో పాల్గొనడానికి ఢిల్లీ వెళ్ళిన టీఆర్ఎస్ అధ్యక్షుడు కే.చంద్రశేఖర్ రావు తెలంగాణ అంశం పై ఢిల్లీలోని పలువురు కాంగ్రెస్ నేతలతో ముఖాముఖి చర్చలు జరుపుతున్న విషయం తెలిసిందే. ఈ నేపథ్యంలో నిన్న కేసీఆర్ ఆయన కుమారుడు కేటీఆర్ తో కలిసి కేరళ వైద్యుడిగా పేరొందిన వాయలార్ రవితో అరగంటకు పైగా చర్చలు సాగించారు.ఈ చర్చలలో కేసీఆర్ వాయలార్ రవితో తెలంగాణ రాష్ట్రమిస్తే సరి, లేదంటే మళ్లీ ఉద్యమాన్ని ఉవ్వెత్తున ఎగిసిపడేలా చేయక తప్పదని హెచ్చరించినట్లు వార్తలు.

తెలంగాణ రాష్ట్ర ఏర్పాటుపై ఇంకా జాప్యం చేస్తే ప్రజలు సహించరని హెచ్చరించారు. తెలంగాణ ఏర్పాటుకు సంబంధించి అధిష్టానం నుంచి తనకు స్పష్టమైన సంకేతాలున్నాయని కొన్నాళ్ళుగా చెబుతూ వచ్చిన ఆయన ఈసారి హైకమాండ్‌కు గట్టి హెచ్చరికలు చేసినట్లు సమాచారం. మరి కేసీఆర్ హెచ్చరికలతో అధిష్టానం దిగి వచ్చి తెలంగాణ ప్రకటిస్తుందో లేదో చూడాలి.