Posted: 08/23/2012 04:22 PM IST

రాష్ట్రవ్యవసాయ శాఖ మంత్రి కన్నా లక్ష్మినారాయణకు కేంద్ర వ్యవసాయ శాఖ మంత్రి శరత్ పవార్ దగ్గర చేదు అనుభవం ఎదురైంది. రాష్ఠ్రంలో వ్యవసాయ పరిస్థితి, ప్రభుత్వం తీసుకురానున్న కొత్త విత్తన చట్టం గురించి అభిల పక్షంతో కలిసి కన్నా లక్ష్మీనారాయణ ఢిల్లీకి వెళ్ళాడు. ఈ రోజు ఉదయం వారికి శరత్ పవార్ అపాయింట్ మెంట్ ఇచ్చారు. ఆ టైంలో వారు మంత్రిని కలవడానికి వెళ్లారు. మంత్రి కన్నాను చూసిన శరద్ పవార్ ఒక్కసారిగా అగ్గిమీద గుగ్గిలం అయ్యారు. రాష్ట్రంలో మంత్రులు మారినప్పుడల్లా అఖిల పక్షాన్ని వెంటేసుకొని. ఒకే అంశంతో పదే పదే  తన దగ్గరకు రావడంపై శరద్‌ పవార్‌ ఒకింత అసహనం వ్యక్తం చేశారు. ఈ సమావేశం అనంతరం బయటకు వచ్చిన కన్నా లక్ష్మినారాయణ శతద్ పవార్ మీడియాతో మాట్లాడుతూ... పవార్ సరదాగా మాట్లాడారని... అదంతా జోక్‌ అని చెప్పడం విశేషం. శరద్ పవార్ ని కలిసిన వారిలో కావూరి సాంబశివరావు, లగడపాటి రాజగోపాల్, కిల్లి క్రుపారాణి, కేవీపీ రామచంద్రారావు తదితరులు ఉన్నారు.