Posted: 08/19/2012 02:54 PM IST

       టీడీపీ అధినేత చంద్రబాబు 7నెలల తర్వాత సొంత నియోజక వర్గంలో పర్యటించారు. తొలి రోజు పర్యటనలో భాగంగా బాబు పలు కార్యక్రమాల్లో పాల్గొన్నారు. కుప్పంలో అర్బన్ హెల్త్ సెంటర్ ప్రారంభించిన ఆయన రాష్ట్రంలో మాఫియా సహజ వనరులను కూడా దోచుకునేంత స్థాయికి ఎదిగిందని ధ్వజమెత్తారు. మంత్రులు, ఐఏఎస్ లు, న్యాయమూర్తులు జైలుకు వెళ్లడం ప్రభుత్వ పనితీరుకు నిదర్శనమని విమర్శించారు. పేదలకు విద్యా ఫలాలు అందించిన ఘనత టీడీపీ కే దక్కుతుందని చెప్పుకొచ్చారు. తిరువతి రుయా ఆస్పత్రిలో చిన్నారుల మృతికి ప్రభుత్వమే బాధ్యత వహించాలని డిమాండ్ చేశారు. శాంతిపురం మండలంలో పర్యటనలో చంద్రబాబును మాలమహానాడు కార్యకర్తలు అడ్డుకునే ప్రయత్నం చేశారు. ఎస్సీ వర్గీకరణపై అనుకూలంగా స్పందించడంపై  మండిపడ్డారు. పోలీసులు ఆందోళన కారుల్ని అడ్డుకుని అదుపులోకి తీసుకున్నారు. 2014 ఎన్నికల్లో ఓటు అడిగే హక్కు టీడీపీకే ఉందన్న విషయాన్ని ప్రజల్లోకి తీసుకెళ్ళాలని కార్యకర్తలకు పిలుపునిచ్చారు. తర్వాత రామకుప్పంలో ఇఫ్తార్ విందులో పాల్గొన్నారు.

...avnk