Posted: 08/10/2012 10:38 AM IST

మనం బన్ కొంటే .. షాపు అతను  మనకు గన్ ఇస్తే ఎలా ఉంటుంది. కొన్ని సార్లు పెద్ద ప్రమాదాలు జరిగే అవకాశమూ లేకపోలేదు. అమెరికాలోని వాషింగ్టన్ నగరానికి చెందిన ఒకాయన.. అమెజాన్ వెబ్‌సైట్‌లో అందంగా కనిపించిన ఓ టీవీపై మనసు పారేసుకున్నాడు. వెంటనే కార్డు ద్వారా డుబ్బులు చెల్లించి ఆర్డర్ ఇచ్చేశాడు. టీవీ కోసం ఆశగా ఎదురు చూస్తున్న సేత్ హార్విట్జ్ చేతికి ఒక రోజు కొరియర్ బోయ్ ఓ బాక్స్ తీసుకొచ్చి అందించాడు. కంగారుగా తెరచి చూడగా.. అందులో టీవీకి బదులుగా అసాల్ట్ రైఫిల్ ఉంది. మొదట హార్విట్జ్‌కి ఏమీ అర్థం కాలేదు. తీరిగ్గా తేరుకుని పోలీసులకు సమాచారం అందించగా.. వారొచ్చి ఆ రైఫిల్‌ను స్వాధీనం చేసుకున్నారు. ఇదెలా జరిగింది... సరఫరా చేసిన డీలర్.. తదితర వివరాలతో వాషింగ్టన్ పోలీసులు కూపీ లాగుతున్నారు. ఇటీవలి కాలంలో ఇలాంటి ఆయుధాలు పక్కదారి పడుతున్నాయని.. వీటితో హత్యలు కూడా జరుగుతున్నాయని పోలీసులు వెల్లడించారు.