Posted: 08/08/2012 11:05 AM IST

ఐటీ యుగంలో అమ్మాయిలు .. అబ్బాయిల ప్యాషన్  ట్రెండ్  మారిపోయింది.  అమ్మాయిలు, అబ్బాయిలు  జీన్స్ ప్యాంట్ లేకుండా బయటకు రాలేని పరిస్థితి వచ్చింది.  వారు వెళ్లేది .. గుడికైనా, బడికైనా, ఫంక్షన్ కైనా,  అసెంబ్లీకైనా .. జీన్స్ తప్పనిసరిగా వాడుతున్నారు.  సంప్రదాయ దుస్తులను ఎప్పుడో పక్కన పెట్టేశారు. అయితే ఈ జీన్స్ పై  ఇప్పుడు సమరం  మొదలైంది. జీన్స్ దరించిన  అమ్మాయిలపై యాసిడ్ దాడులు చేస్తామని   సంఘం ప్రకటించింది. యువతులు జీన్స్‌లో కనిపించకూడదు. చున్నీ తప్పనిసరిగా ఉండాలి. లేకుంటే యాసిడ్ దాడులకు గురి కాక తప్పదు. జార్ఖండ్ రాజధాని రాంచీలో ఆటవికులు జారీ చేసిన ఆంక్షలు ఇవి.

వీటిని తెలిపే పోస్టర్లను జార్ఖండ్ ముక్తి సంఘ్ అనే సంస్థ నగరంలోని పలు ప్రాంతాల్లో ఏర్పాటు చేసింది. "ఆగస్టు 20 నుంచి యువతులు జీన్స్ ధరించడాన్ని నిషేధించాం.  ఏ యువతైనా జీన్స్‌లో వెళుతున్నట్లు కనిపిస్తే యాసిడ్‌తో దాడి చేస్తాం'' అని వాటిల్లో రాసి ఉంది. పరిశ్రమల కోసం ప్రజలను నిర్వాసితులను చేసినా సహించేది లేదని.. వాటిపై కూడా దాడి చేస్తామని ఆ సంస్థ హెచ్చరించింది. కాగా, ఈ సంస్థ పేరును వినడం ఇదే మొదటి సారని.. పోస్టర్లను ఏర్పాటు చేసినవారిని పట్టుకుంటామని పోలీసులు తెలిపారు.