Posted: 08/05/2012 05:37 PM IST

      ‘నువ్వు చాలా మంచివాడివి. నీ దారి వేరు.. నా దారి వేరు. నీకూ నాకూ మ్యాచ్ కాలేదు. నాది సహజ మరణంగా భావించి, ఓ మంచి అమ్మాయిని చూసి పెళ్లి చేసుకో. నాది సహజ మరణంగానే ఉండనివ్వు, ఎవరితోనూ చెప్పకు. పండూ నాకు ఫ్రెండ్ మాత్రమే. అతనిని ఈ జన్మలో కలవలేను..’ -ఇన్ఫోసిస్ ఉద్యోగిని నీలిమ తన భర్త సురేష్‌రెడ్డికి పంపిన ఆఖరి ఈ-మెయిల్ సారాంశమిదీ.. సంచలనం సృష్టించిన నీలిమ అనుమానాస్పద మృతి కేసు దర్యాప్తులో భాగంగా రాయదుర్గం పోలీసులు నీలిమ ఈ-మెయిల్‌ను బ్రేక్ చేశారు. ఓ ప్రత్యేక సాఫ్ట్‌వేర్ సాయంతో దాన్ని ఓపెన్ చేసి.. అందులోని వివరాలు తెలుసుకున్నారు.
        నీలిమ తన ఆఖరి ఈ-మెయిల్‌లను భర్తతోపాటు విశాఖపట్నానికి చెందిన స్నేహితుడు ప్రశాంత్ అలియాస్ పండుకు పంపినట్లు.. చివరి ఫోన్‌కాల్ ప్రశాంత్‌కే చేసినట్లు నిర్ధారించారు. తాజా సమాచారం నేపథ్యంలో నీలిమ వైవాహిక జీవితంలో కలతలు ఉన్నట్లు స్పష్టమవుతోంది. ఈ నేపథ్యంలో నీలిమది ఆత్మహత్య అవడానికే ఆస్కారం ఉందని భావిస్తున్నారు. ప్రాజెక్ట్ వర్క్‌ లో భాగంగా చాలా నెలలపాటు నీలిమ అమెరికాలోనే ఉన్నారు. ఇటీవలే నగరానికి వచ్చారు.

...avnk