Posted: 07/20/2012 03:52 PM IST

అమెరికాలోని కొలరాడో నగరంలో ముసుగు ధరించిన దుండగులు దారుణానికి పాల్పడ్డారు. ముసుగు ధరించిన పలువురు ఉన్మాదులు నగరంలోని డెన్వర్ థియేటర్‌లో ది డార్క్ నైట్ రైజెస్ సినిమా ప్రివ్యూ చూస్తున్న ప్రేక్షకులపై విచక్షణా రహితంగా కాల్పులు జరిపారు. వారు ప్రేక్షకులపై టియర్ గ్యాస్ ప్రయోగించారు.అనంతరం వారిపై కాల్పులు జరిపారు. ఈ ఘటనలో పద్నాలుగు మంది మృతి చెందినట్లుగా తెలుస్తోంది. మరో నలభై మంది తీవ్రంగా గాయపడ్డారు. రాత్రి పూట ప్రివ్యూ చూస్తున్న వారిపై ముగ్గురు దుండగులు కాల్పులు జరిపినట్లు ప్రత్యక్ష సాక్ష్యుల కథనం ప్రకారం తెలుస్తోంది. ముసుగేసుకోవడంతో వారిని గుర్తించలేదని చెబుతున్నారు.