Posted: 07/12/2012 11:05 AM IST

అదృష్టం లాటరీ రూపంలో పలకరించింది. సౌదీ అరేబియాలోని ఓ నిర్మాణ సంస్థలో పనిచేసే శ్రీను నంబ్రాన్ అనే భారతీయుడు ఒక్కసారిగా అరకోటీశ్వరుడిగా మారాడు. అమెరికాకు చెందిన మిలీనియం మిలియనీర్ ప్రమోషన్ అనే లాటరీలో శ్రీనుకు లక్ష అమెరికన్ డాలర్లు(సుమారు యాబైఐదు లక్షల రూపాయలు) లభించాయి.   ఈ లాటరీలో ఇంతకుముందు వరకూ 53 మంది భారతీయులు విజేతలుగా నిలిచారు. తాజాగా 54వ భారతీయుడిగా శ్రీను ఈ లాటరీలో లక్ష డాలర్లు దక్కించుకున్నాడు. 1999లో ప్రారంభమైన ఈ లాటరీలో శ్రీను గతంలో పలుమార్లు తన అదృష్టాన్ని పరీక్షించుకున్నాడు. ఇన్నాళ్లకు అతడి కల నెరవేరింది. ఈ లాటరీలోనే ఎలంతుర్తి జోసెఫ్ రాబిన్సన్ అనే మరో భారతీయుడిని బెంజ్ కార్ వరించింది.