Posted: 07/08/2012 06:55 PM IST

       మెక్సికో అధ్యక్ష ఎన్నికల్లో పెనా నీటో ఘన విజయం సాధించినట్లు ఎలక్షన్ కమిషన్ అధికారికంగా ప్రకటించారు. అయితే పిఆర్ ఐ పార్టీ అక్రమాలకు పాల్పడిందంటూ అధ్యక్ష ఎన్నికల ఓట్ల లెక్కింపుపై వామపక్ష అభ్యర్ధి మాన్యుయెల్ లోపెజ్ ఒబ్రడార్ కోర్టులో పిటిషన్ దాఖలు చేయటంతో ఈ లెక్కింపు ప్రక్రియ అనిశ్చితిలో పడింది. ఈ ఓట్ల కొనుగోలు ఆరోపణలు గత నెలలోనే వెలుగులోకి వచ్చినప్పటికీ పిఆర్ ఐ పార్టీ మద్దతుదారులు అందించారంటూ 100పిసోలు విలువైన ప్రిపెయిడ్ గిఫ్ట్  కార్డులను సొమ్ము చేసుకునేందుకు ప్రజలు గత వారం ఎగబడటంతో ఈ ఆరోపణలు మరింత పదునెక్కాయి. తిరిగి జరిగిన ఓట్ల లెక్కింపు ప్రక్రియలో 100శాతం బ్యాలట్ బాక్స్ లను లెక్కించినప్పటికీ అందులో సగానికి పైగా బాక్సుల్లో మోసం జరిగివుంటుందన్న అనుమానంతో అధికారులు రెండోసారి లెక్కించారు.   ఈ లెక్కింపులో పీనా నీటో 38 శాతం ఓట్లతో మొదటి స్థానంలో నిలవగా లోపెజ్ ఓబ్రడార్ 31శాతం ఓట్లతో రెండో స్థానంలో నిలిచారు. నీటో ఆయనపై 33లక్షలకుపైగా ఓట్ల ఆధిక్యతతో గెలుపొందినట్లు ఎన్నికల కమిషన్  ప్రకటించింది. ఈ ఎన్నికల్లో ప్రస్తుత అధికార పార్టీ తరఫున బరిలోకి దిగిన జోసఫినా మూడో స్థానంలో నిలిచారు. ఈ ఫలితాలను ఫెడరల్ ఎలక్టోరల్  ట్రిబ్యునల్ సెప్టెంబర్ లో ధృవీకరిస్తుంది.

...avnk