Posted: 06/15/2012 01:03 PM IST

ఉప ఎన్నికల ఫలితాల కౌంటింగ్ ఈరోజు 8 గంటల నుండి ప్రారంభం అయిన విషయం తెలిసిందే. లెక్కింపు ప్రారంభం అయినప్పటి నుండి అభ్యర్థుల్లో నరాలు తెగే ఉఠ్కంఠ నెలకొంది. ఒక్కో నియోజకవర్గం ఫలితాలు వెలువడుతున్నాయి. ఇప్పటి వరకు 15 స్థానాల్లో వైయస్సార్ కాంగ్రెస్ ఫ్యాన్ గాలి వీస్తుంటే... రెండు చోట్ల కాంగ్రెస్ గాలి వీస్తొంది. తెలుగు దేశం పార్టీకి కనీసం డిపాజిట్లు దక్కే పరిస్థితి కనిపించడం లేదు. వైయస్సార్ పై ఉన్న అభిమానమో, లేక షర్మిల విజయమ్మల ప్రచార బలమో కానీ వైయస్సార్ కాంగ్రెస్ పార్టీ ఇప్పటి వరకు అందిన సమాచారం ప్రకారం 12 స్థానాల్లో విజయం సాధించినట్లు వార్తలు అందుతున్నాయి. మరో 3 చోట్ల లీడింగ్ లో ఉన్నట్లు వార్తలు. కాంగ్రెస్ పార్టీ ఇప్పటి వరకు నరసాపురం స్థానాన్ని కైవసం చేసుకోగా, రామచంద్రాపురంలో నువ్వానేనా అన్నట్లు కాంగ్రెస్, వైయస్సార్ కాంగ్రెస్ పార్టీలు తలపడుతున్నాయి. ఇక తెలంగాణ జిల్లాలో పోటీచేసిన టీఆర్ఎస్ పార్టీ ఆధిక్యంలో దూసుకుపోతుంది.

వైయస్సార్ కాంగ్రెస్ కైవసం చేసుకున్న స్థానాలు :

ఎమ్మిగూరు, ప్రత్తిపాడు, మాచర్ల, పోలవరం, రాయచోటి, రాయదుర్గం, ఆళ్ళగడ్డ, అనంతపురం, నరసన్నపేట, రైల్వేకోడూరు, పాయకరావుపేట, రాజం పేట నియోజకవర్గాల్లో అభ్యర్థులు విజయం సాధించారు. ఒంగోలు, ఉదయగిరి, తిరుపతి లలో ఆపార్టీ అభ్యర్థలు ముందంజలో ఉన్నాయి.