Posted: 06/02/2012 03:15 PM IST

వామపక్ష సిద్ధాంతాల పరిరక్షణ కోసం కొత్తపార్టీ ఏర్పాటుచేయడం అవసరమని పార్టీలోని కొందరు అతివాదులు సమావేశంలో గట్టిగా వాదించినట్లు తెలుస్తోంది. అలాగే పార్టీ చీలిపోకుండా ఉండాలంటే పార్టీ చైర్మన్ పదవి నుంచి తప్పుకోవాలని వైద్య వర్గం ప్రచండకు సూచించినట్లు పార్టీ పొలిట్‌బ్యూరో సభ్యుడు పంపా భూషణ్ తెలియజేశారు. నేపాల్ అధికార మావోయిస్టు పార్టీ చీలిక ముంగిట్లో నిలిచింది. పార్టీ అధినేత ప్రచండ, ప్రధాని బాబూరాం భట్టరాయ్ వామపక్ష సిద్ధాంతాలకు దూరమవుతున్నారని ఆరోపిస్తూ మోహన్ వైద్య నాయకత్వంలోని అసమ్మతి వర్గం ప్రచండ రాజీనామాకు డిమాండ్ చేయడంతో అధికార పార్టీ చీలిక ముప్పుకు దగ్గరైంది. కాగా, వైద్యకు అనుకూలంగా ఉన్న మావోయిస్టు సెంట్రల్ కమిటీ సభ్యులు ఈరోజు కుపాండోల్‌లోని అసమ్మతి వర్గం కార్యాలయంలో సమావేశమై కొత్త పార్టీ ఏర్పాటు ప్రతిపాదనపై చర్చించారు.