Posted: 06/02/2012 12:43 PM IST

ఢిల్లీలో ఇవాళ ఉదయం (శనివారం) ఘోరం జరిగింది. నజఫ్ ఘర్ కి చెందిన స్వతంత్ర ఎమ్యెల్యే భరత్ సింగ్ పై గుర్తుతెలియని వ్యక్తులు కాల్పులు జరిపారు. ఈ ఘటనలో అతనికి తీవ్ర గాయాలు అయ్యాలు. దాడి జరిగిన వెంటనే ఆయనను సమీప ఆసుపత్రిలో చేర్పించారు. ప్రస్తుతం ఆయన పరిస్థితి విషమంగా ఉంది. ఈ దాడిలో మరో వ్యక్తి కూడా గాయపడినట్లు తెలుస్తుంది.

ఎమ్మెల్యే భరత్ సింగ్ కి శరీరంలోకి రెండు బుల్లెట్లు దూసుకుపోయాయి. ఎమ్మెల్యే పై ఐదుగురు కాల్పులు జరిగినట్లు పోలీసులు తెలిపారు. ఈ సంఘటన పై కేసు నమోదు చేసుకున్న పోలీసులు దర్యాప్తు ప్రారంభించారు. ఈ దాడికి వ్యక్తిగత కక్షలే కారణమని భావిస్తున్నారు. ఇప్పటి వరకు ఎవరినీ అరెస్టు చేయలేదని పోలీసులు చెప్పారు. సంఘటనలో గాయపడిన వ్యక్తిని ధర్మపాల్‌గా గుర్తించారు.