Posted: 05/31/2012 12:45 PM IST

టాలీవుడ్ లో ఫాస్టెస్ట్ సినిమాలు తీసే దర్శకుడిగా పేరుతెచ్చుకున్న పూరిజగన్నాథ్ ట్విట్టర్ లో ఆసక్తికరమైన ట్వీట్  చేశారు. అదేంటంటే... గత కొద్దిరోజులలో జరగబోయే ఉప ఎన్నికల ప్రచారం కోసం వైయస్సార్ కాంగ్రెస్ పార్టీ గౌరవ అధ్యక్షురాలు విజయమ్మ నిన్న ఉప ఎన్నికల ప్రచారానికి వెళ్ళిన విషయం తెలిసిందే. నర్పీపట్నంలో ఉప ఎన్నికల ప్రచారం మొదటి రోజు ముగిసిన తరువాత ఆమె పూరీ జగన్నాథ్ ఇంటో బస చేశారట. ఈ విషయాన్ని పూరి తెలియజేస్తూ... విజయమ్మ, షర్మిలా నర్సిపట్నంలోని మా ఇంట్లో స్టే చేయడం నాకు ఎంతో ఆనందంగా ఉంది. ఎందుకంటే నేను ఎంతగానో అభిమానించే వారి ఫ్యామిలి వారు నా ఇంట్లో బస చేయడమే.. అంటూ ట్వీట్ చేశారు.

ఇంత వరకు బాగానే ఉన్నా.. ఇప్పుడున్న ప్రస్తుత రాజకీయ నేపథ్యంలో ఈ వార్త హాట్ టాపిక్ గా మారింది. గతంలో నుండే పూరి జగన్నాథ్ కి జగన్ వారి ఫ్యామిలీ తో మంచి అనుబంధం ఉంది. గతంలో జగన్ పూరీ కూతురు సారీ ఫంక్షన్ కి స్వయంగా వచ్చి ఆశీర్వదించాడు. అప్పట్లో ఇది సంచలనం అయింది. తాజాగా పూరీ వైయస్సార్ కాంగ్రెస్ పార్టీలో చేరేందుకు సిద్ధమయ్యాడని పుకార్లు వెలువడుతున్నాయి. గతంలో వైయస్సార్ మరణించినప్పుడు పూరీ అతని జీవితం పై ఓ సినిమా తీస్తానని కూడా ప్రకటించాడు. కానీ అది కార్యరూపం దాల్చలేదు. మరి వైయస్సార్ పార్టీ చేరిన తరువాత ఈ సినిమాని మొదలు పెట్టబోతున్నాడని, వైయస్ పై, జగన్ పై జరుతున్న కుట్రను కూడా అందులో చూపించబోతున్నారని అంటున్నారు.