Posted: 05/17/2012 11:45 AM IST

       సందట్లో సడేమియాలా తన మనసులో మాట బయటపెట్టేశారు మెదక్ పార్లమెంట్ సభ్యురాలు విజయశాంతి అన్నారు.  నేను ముఖ్యమంత్రినైతే అడిగిన పనులన్నీ చేసి పెడతానని మెదక్‌లో యధాలంపంగా ఓ మాటొదిలారు.  పలు అభివృద్ధి పనుల శంకుస్థాపనకు హాజరైన సందర్భంలో దాయర వీధిలో మహిళలను సమస్యలు అడిగి తెలుసుకున్నారు. అక్కడే కలిసిన మహిళలు పలు అభివృద్ధి పనులకు నిధులు మంజూరు చేయాలని కోరగా.. 'నేనే ముఖ్యమంత్రినైతే మీరడిగిన వన్నీ చేసి పెడతానని' నవ్వుతూ సమాధానమిచ్చి అసలు సంగతి దాటవేశారు.
      అధికార పక్షంలో లేకపోయినప్పటికీ ప్రజల సమస్యలను పరిష్కరిస్తున్నట్లు చెప్పారు. ఈ రాములమ్మ ప్రజల కోసమే పని చేస్తుందన్నారు. కాంగ్రెస్ ప్రభుత్వం ఉన్నంత వరకు ఈ బాధలు తప్పవని, వారిని చీపురుకట్టలతో చితకబాదండని ఆమె పిలుపునిచ్చారు. బీజేపీని ప్రజలు ఆదరించే స్థితిలో లేరన్నారు. టీఆర్ఎస్ పార్టీ పరకాల అభ్యర్థి భిక్షపతి గతఎన్నికల్లో అతి తక్కువ మెజార్టీతో ఓటమి చెందాడని, అతనిపై ప్రజల్లో మంచి పేరు ఉందని అతని గెలుపు ఖాయమని ధీమా వ్యక్తం చేశారు. తెలంగా ణ ప్రత్యేక పేరుతో అన్నిపార్టీలు రాజకీయ డ్రామాలు ఆడుతున్నాయని మండిపడ్డారు. తెలంగాణ ప్రత్యేక రాష్ట్రం ఏర్పాటైతే సెక్యులర్ శక్తులే ముందుంటాయని, ఇది సీపీఎం రాష్ట్ర కార్యదర్శి బీవీ రాఘవులు గుర్తించాలన్నారు. తెలంగాణ రానందువల్లనే ఉద్యమం, జేఏసీలతో బీజేపీ బలపడుతోందని అభిప్రాయపడ్డారు. విజయ ఎప్పుడు ముఖ్యమంత్రి అవుతుందో.. అన్ని పనులూ ఎప్పుడు చేసిపెడుతుందో అని స్థానికులు వల్లెవేసుకుంటున్నారు. దీనిమీద అన్న కేసీఆర్ ఏమంటాడో మరి.

...avnk