Posted: 05/16/2012 10:47 AM IST

ఇదేదో కారు మెకానిక్కులు.. మోటారు మెకానిక్కులు అంటున్న వ్యాఖ్యలు కావు. కుమ్ములాటలతో కునారిల్లుతున్న కాంగ్రెస్‌ను బాగుచేసేందుకు ఢిల్లీ నుంచి వచ్చిన ఓ నేత వ్యాఖ్య ఇది. వారం రోజుల క్రితం హైదరాబాద్‌కు వచ్చి.. ఇక్కడే మకాం వేసి..అడపాదడపా పార్టీ కార్యక్రమాల్లో పాల్గొంటున్న నేత చేసిన వ్యాఖ్యలే ఇవి! ఎవరా? అని దీర్ఘాలోచనలో మునిగిపోకండి! ఆయనే కేబీ కృష్ణమూర్తి! గాంధీభవన్‌లో కనిపించిన కేబీనీ ఓ జర్నలిస్టు ఉత్సాహం పట్టుకోలేక.. సార్ మీరు ఉప ప్రచారానికి వెళ్లరా? అని ప్రశ్నిస్తే.. మా పని స్క్రూలు ఫిట్ చేయడం. గ్రీజ్ పెట్టడం. నేతలను ఉరికించడమే. అంతేగానీ ప్రచారం మా బాధ్యత కాదు అని అన్నారు. దీంతో అవాక్కవడం ఆ జర్నలిస్టు వంతైంది.