Posted: 05/13/2012 04:18 PM IST

      జగన్‌ అక్రమాస్తులపై ముప్పేట దాడులు చేస్తున్న సిబిఐ తాజాగా మరో చర్యకు పూనుకుంది. జగన్‌కు చెందిన సాక్షి దినపత్రిక, సాక్షి టెలి విజన్‌, జనని ఇన్‌ఫ్రా సంస్థల్లో పనిచేస్తున్న ఉద్యోగుల వివరాలపై ఆరాకు ఉపక్ర మించింది. ఈ మూడు సంస్థల బ్యాంకు ఖాతాలను నాలుగు రోజుల క్రితం సిబిఐ స్తంభింపచేసిన సంగతి తెలిసిందే. స్తంభింప చేసిన బ్యాంకు ఖాతాలపై ఓవైపు సిబిఐ అధికారులు లోతుగా పరిశీలిస్తూనే, మరోవైపు ఈ మూడు కంపెనీల్లో పని చేస్తున్న మొత్తం ఉద్యోగుల వివరాలను కార్మిక శాఖ నుంచి యుద్ధ ప్రాతిపదినక తెప్పించుకుంది. సిబిఐ అధికారులు కార్మిక శాఖ ఉన్నతాధి కారులకు లేఖ రాస్తూ సాక్షి దినపత్రిక, సాక్షి టెలి విజన్‌, జనని ఇన్‌ఫ్రా సంస్థల్లో పనిచేస్తున్న ఉద్యోగుల వివరాలు తమకు వెంటనే కావాలని కోరారు. జగన్‌ కంపెనీలు కార్మిక శాఖ చట్టాలను ఏ మేరకు అమలు చేస్తున్నాయనే విషయాన్ని వారు అడిగి తెలుసుకున్నారు. కార్మిక శాఖ అధికారులు సిబిఐ కోరిన ప్రకారం రాష్ట్ర వ్యాప్తంగా వివరాలను తెప్పించుకుని సిడిల రూపంలో అందచేశారు.

...avnk