Posted: 05/07/2012 08:56 PM IST

జగన్ అక్రమాస్తుల కేసులో మూడో చార్జిషీటును సీబీఐ అధికారులు నాంపల్లి సీబీఐ కోర్టులో దాఖలు చేశారు. 142 డాక్యుమెంట్లు, 88 పేజీలు, 72 మంది సాక్ష్యులతో మూడో చార్జిషీటును కోర్టుకు అధికారులు సమర్పించారు. జగన్, విజయసాయిరెడ్డి, జగతి పబ్లికేషన్స్, రాంకీ చైర్మన్ అయోధ్య రామిరెడ్డి, ఐఏఎస్ అధికారి వెంకటరామిరెడ్డిలపై చార్జిషీటు దాఖలు చేశారు. ఏ1గా జగన్, ఏ2గా విజయసాయిరెడ్డి, ఏ3గా జగతి పబ్లికేషన్స్, ఏ4గా రాంకీ చైర్మన్ అయోధ్య రామిరెడ్డి, ఏ5గా ఐఏఎస్ అధికారి జి. వెంకట్రామిరెడ్డి, ఏ6గా రాంకీ ఫార్మా ఇండియా లిమిటెడ్‌ను పేర్కొన్నారు. రాంకీ సంస్థనుండి జగన్ కంపెనీల్లోకి 20 కోట్ల పెట్టుబడులు వెళ్లినట్లు అధికారులు చెబుతున్నారు.