Posted: 05/07/2012 07:58 PM IST

ముఖ్యమంత్రి కిరణ్ కుమార్ రెడ్డి సతీమణి, పిల్లలు క్రిస్టియన్లేనని, వారు శ్రీ వేంకటేశ్వర స్వామి వారికి పట్టు వస్త్రాలు సమర్పించేందుకు వెళ్లినప్పుడు డిక్లరేషన్ రాసిచ్చారా అని ఆయన ప్రశ్నించారు. వారు డిక్లరేషన్ ఇవ్వని పక్షంలో జగన్‌కో ఓ న్యాయం సిఎం భార్యకు మరో న్యాయమా అని ప్రశ్నించారు. ముఖ్యమంత్రి ఓ బచ్చా అంటూ మండిపడ్డారు.

తిరుమల వివాదం విషయంలో మాజీ మంత్రి శంకర రావు వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డికి మద్దతుగా నిలిచారు. సోమవారం శంకర రావు మీడియా సమావేశంలో సంచలన వ్యాఖ్యలు చేశారు. జగన్ తండ్రి లేని పిల్లవాడు అంటూ ఆవేదన వ్యక్తం చేశారు. జగన్ విషయంలో తిరుమలలో డిక్లరేషన్ పైన రాద్దాంతం చేయడాన్ని ఆయన తప్పు పట్టారు.