Posted: 05/06/2012 02:45 PM IST

       చెన్నైలోని తిరువన్నామలై ధ్యానపీఠంలో నిత్యానందకు పట్టాభిషేకం జరిగింది. మధురై ఆధీనం పీఠాధిపతి అరుణ గిరినాదార్ కిరీటదారణ చేశారు. ఆధ్యాత్మిక బోధకుడు నిత్యానంద ఇటీవల వివాదాస్పద సంఘటనలతో సంచలనం సృష్టించిన విషయం తెలిసిందే. ఆయనకు పీఠాధిపత్యం అప్పగించడాన్ని కూడా పలువురు పీఠాధిపతులు వ్యతిరేకించారు. ఒక వ్యక్తి కోర్టులో పిటిషన్ కూడా దాఖలు చేశారు.
      అయితే.. అత్యంత పురాతన హిందూ సంస్థల్లో ఒకటైన మదురై మఠానికి  అధిపతిగా నిత్యానంద నియిమితుడైనప్పటి నుంచి అతని కష్టాలు ఎక్కువయ్యాయి.  నిత్యానంద నియామకంపై మద్రాస్ హైకోర్ట్ స్టే ఇచ్చింది.  సెక్స్ స్వామిని పీఠాధిపతిని ఎలా చేస్తారంటూ తమిళనాడులో నిరసనలు, ఆగ్రహావేశాలు వ్యక్తమయ్యాయి.   రాష్ట్రంలోని 14 హిందూ ధార్మిక సంస్థలు నిత్యానంద నియామకాన్ని తప్పుబట్టాయి. ఆందోళనలు కొనసాగుతుండగానే మదురై  మఠంపై  ఆదాయపు పన్నుశాఖ అధికారులు దాడులు చేశారు.   మఠంలోకి ప్రవేశించి బయటకు వెళ్లే మార్గాలన్నింటినీ మూసివేశారు. స్ట్రాంగ్ రూంలో సోదాలు చేశారు. ఆదాయపు పన్ను ఢిల్లీ విభాగం ఆదేశాల మేరకు సోదాలు నిర్వహించారు. కీలకపత్రాలతోపాటు... లెక్కాపత్రంలేని కొంత నగదును స్వాధీనం చేసుకున్నామని ఐటీ అధికారులు చెప్పారు. దాడుల సమయంలో నిత్యానంద మఠం వదిలి తిరువణ్ణామలైకి వెళ్లినట్లు సమాచారం.
       మఠం ఆధీనంలో 12 వందల 50 ఎకరాల భూమితోపాటు వేలకోట్ల రూపాయలు విలువచేసే  ఆస్తులున్నాయి.

...avnk