Posted: 04/30/2012 04:09 PM IST

     నటి రంజితతో సరసాలు చేస్తూ కెమెరాకు చిక్కి జైలు పాలై, నిత్యం మదనపడుతోన్న నిత్యానంద స్వామికి కొంచెం ఊరటనిచ్చే పని జరిగింది. కర్ణాటక బిడదిలోని ధ్యానపీఠాధిపతిగా ఉన్న నిత్యానందకు ఇప్పడు కాలం కలిసొచ్చింది.  వందల ఏళ్ల చరిత్ర ఉన్న మధురైలోని ఆదీనం మఠాధిపతిగా ఆయనను నియమించారు. ఈ మఠానికి ప్రస్తుతం అరునగరినాథ శ్రీ జ్ఞానసంబంధ దీక్షా పరమాచార్యులు పీఠాధిపతిగా ఉన్నారు. 293వ పీఠాధిపతిగా నిత్యానందకు బాధ్యతలు అప్పజెప్పుతూ ఓ కార్యక్రమాన్ని నిర్వహించారు. నిత్యానందకు స్వర్ణకీరీటాన్ని ధిరింపజేసి ఘనంగా సన్మానించారు. ఈ వేడుకలను చూసేందుకు దేశ విదేశాలకు చెందిన భక్తులు హాజరయ్యారు. అత్యంత వైభవంగా సాగిన వేడుకను చూస్తూ నృత్యాలు చేశారు. మొన్నటి వరకు వివాదాల సుడిగుండంలో చిక్కుకుని విలవిల్లాడిన నిత్యానందకు ఈ కొత్త బాధ్యతలు కొంత ఊరటనిచ్చే అంశమే.

...avnk