Posted: 04/06/2012 07:50 PM IST

చిత్రంలో కనిపిస్తున్న ఈ చిన్ని పాప.. మరో చిన్ని పాపకు గారాలపట్టి! ఎందుకంటే.. ఈ పాప తల్లి వయసు 10 ఏళ్లే!! కొలంబియాలోని వాయూ గిరిజన తెగకు చెందిన ఆ బాలిక ప్రాణాపాయ స్థితిలో మనయూర్ పట్టణ ఆస్పత్రికి రావడంతో వైద్యులు శస్త్రచికిత్స నిర్వహించి.. బిడ్డను బయటకు తీశారు. ‘ఆస్పత్రికి వచ్చిన సమయంలో ఆమె 39 వారాల గర్భవతి. రక్తస్రావమవుతూ.. భరించలేని నొప్పితో బాధపడుతున్న స్థితిలో ఇక్కడికి వచ్చింది. తల్లి వయసు దృష్ట్యా ఇది ఎంతో రిస్క్‌తో కూడిన ఆపరేషన్’ అని వైద్యులు గురువారం తెలిపారు.

ప్రస్తుతం ఆ బిడ్డ 2.2 కిలోల బరువుంది. ఈ బిడ్డ తండ్రి వివరాలు తెలియరాకున్నా.. అతడి వయసు 15 ఏళ్లని కొన్ని కథనాలు రాగా.. మరికొన్ని చానళ్లు అతడి వయసు 30 ఏళ్లని పేర్కొన్నాయి. అయితే, కొలంబియా దేశ రాజ్యాంగం వాయూ తెగకు కొంత స్వతంత్ర ప్రతిపత్తిని ప్రసాదించింది. దీంతో మైనర్‌తో సెక్స్ జరిపిన నేరంపై పోలీసులు ఆ ‘వ్యక్తి’పై ఎలాంటి కేసునూ నమోదు చేయలేకపోతున్నారు. ప్రపంచంలో అత్యంత పిన్నవయసులో తల్లి అయిన వారిలో ‘ఆమె’ ఒకరు.